Gleðilegan Bolludag!

27/02/2017

Gleðilegan bolludag kæru vinir :)
Eins og ég hef oft sagt þá er þetta einn af mínum uppáhalds dögum, bæði vegna yndislegra æskuminninga og að sjálfsögðu út af rjómabollunum sjálfum ;)

Um helgina gerði ég frumraun í bollubakstri en ég hef ekki bakað vatnsdeigsbollur áður sjálf. Váááá hvað mér fannst þetta gaman, þetta er miklu auðveldara en ég hélt og bara eitthvað svo ótrúlega skemmtilegt :) Ég las ótalmargar uppskriftir og þar sem ég þarf alltaf að flækja aðeins fyrir mér þá prófaði ég 4 mismunandi til að bera saman :D 

 

 

Þar sem það eru til svo margar venjulegar bolluuppskriftir á netinu þá langar mig til að deila einni aðeins öðruvísi með ykkur ;)

Súkkulaði-vatnsdeigsbollur

 

1 bolli vatn

113 g smjör

1 msk sykur

1/8 tsk salt

167 g hveiti

3 msk kakó

5 egg

 

Kornax hveiti, Nesbú egg, smjör, sykur, salt og kakó 

 

Hitið ofninn í 220°C (undir- og yfirhita). 
Sjóðið vatn, smjör, sykur og salt saman. 
Bætið öllu hveitinu og kakóinu saman við og hrærið með sleif þar til hveitibolla myndast sem skilur sig frá pottinum. Setjið hveitibolluna í aðra skál og kælið í nokkrar mínútur. Hrærið einu og einu eggi saman við og hrærið vel á milli.
Sprautið litlar kúlur á plötu eða notið teskeiðar. 
Bakið við 220°C í 10 mínútur og lækkið þá hitann niður í 175°C og bakið áfram í 25-30 mínútur.

ALLS EKKI opna ofninn áður en bökunartíminn er liðinn, það er lykilregla. 
Takið bollurnar úr ofninum og kælið á grind. 

 

 

Verði ykkur að góðu í dag og njótið!!! ;)


 

 


 

Please reload

Nýlegar færslur

March 31, 2018

September 10, 2017

September 2, 2017

August 20, 2017

Please reload

Leitarorð
  • Facebook - Grey Circle
  • Pinterest - Grey Circle
Flokkar
Kakan mín á veraldarvefnum