Brúðkaup - Eftirréttahlaðborð

Þá er það eftirréttahlaðborðið!

Við lögðum mikið upp úr eftirréttunum í brúðkaupinu okkar í sumar. Við vorum með brúðartertu á hverju borði og svo eftirréttahlaðborð sem fólk gat gengið í allt kvöldið. Ég er ótrúlega lánsöm að eiga her af yndislegum vinkonum sem hjálpuðu til við allt og vil þakka þeim öllum enn og aftur fyrir alla hjálpina! Einnig fær eiginmaðurinn sérstakar þakkir fyrir að leyfa mér að sjá alfarið um þetta :D

Eftirréttahlaðborðið Myndirnar tók Rakel Ósk Sigurðardóttir

Dons Donuts: Kleinuhringir á borðið var must! Þeir eru bæði sjúklega góðir og ótrúlega skemmtilegir á veisluborð. Ég vildi þó ekki hafa klunnalega hringi og þar sem ég lagði upp með að hafa allt í "bitastærð" þá voru Dons Donuts algjörlega fullkomnir! Þeir voru í réttri stærð, extra djúsí og svo skemmir ekki fyrir að versla við íslenskt kleinuhringjafyrirtæki ;) Við keyptum þrjá veislubakka, tvo með vanilluglassúr og flórsykri og einn með karamellu og flórsykri.

Dons Donuts

Litlar súkkulaðikökur: Þar sem brúðartertan var fersk lime-terta þá fannst okkur við verða að hafa eitthvað súkkulaði fyrir þá sem það kjósa. Ég bjó til uppáhalds súkkulaðikökurnar okkar og skreytti þær með litlum gylltum hjörtum sem ég pantaði á Ali Express. Ég set uppskriftina inn við tækifæri ;)

Súkkulaðikökur

Kransakökubitar: Ég var alveg ákveðin í því frá upphafi að hafa kransakökubita, við einfaldlega elskum kransakökur og þær eru líka svo skemmtilega retro ;) Við vinkona mín erum búnar að vera mastera kransakökugerð síðustu árin og fengum aðra góða með okkur í lið núna. Við höfum haft hann Örvar Birgisson sem lærimeistara, sjá hér :)

Kransakökubitar með sykurblómum

Kókoskúlur: Þær bara passa alltaf og það elska þær allir!

Kókoskúlur

Brúðarterta: Brúðartertan var lime-terta með hvítsúkkulaðismjörkremi frá Rebekku Helen (head pastry chef) á Apótekinu. Meira um þá dásemd hér.

Love-terta: Mig langaði til að gera eina tertu sjálf. Ég gerði uppáhaldstertu fjölskyldunnar, hvíta möndluköku með hindberjafyllingu og smjörkremi með möndlukeim. Uppskriftina má finna hér. Ég setti kökuna saman kvöldið fyrir brúðkaupið og hafði því ekki mikinn tíma í dúllerí, ég held að að ég hafi skreytt hana á ca. 2-3 mínútum en útkoman var bara mjög fín og alveg í anda veisluborðsins :)

Möndlukaka með hindberjafyllingu og smjörkremi

Johan Bulow lakkrís: Uppáhalds "sparinammið" mitt er lakkrís frá Johan Bulow. Love lakkrísinn og Summer 2016 voru líka í þemalitum veislunnar og því kjörið að setja þá á veisluborðið ;)

Johan Bulow lakkrís

Ferrero Rocher súkkulaði: Það er bara ekki til fallegra nammi, svo einfalt er það. Við notuðum Ferrero Rocher mola líka í sætamerkingar, það má sjá hér.

Nammi: Ég vildi alls ekki hafa nammibar með nammi í öllum litum, ég valdi bara okkar uppháhald og það sem passaði vel á veisluborðið. Maðurinn minn elskar Freyju möndlur og ég elska Djúpur (ég elska reyndar þær sterku mest en fannst þær ekki nógu fallegar á veisluborðið og hélt mig því við hvítar). Til að fullkomna litapallettuna vorum við að auki með gyllta Hershey's kossa og Hershey's nagga :) ​​

Freyju Möndlur

Freyju Djúpur

​​

Blandaðar myndir, símamyndir og annað frá undirbúningi og veislu.

Ef þið misstuð af fyrri brúðkaupspóstum þá má finna þá hér og hér.

#Brúðkaup #Kókoskúlur

Nýlegar færslur
Leitarorð
No tags yet.
  • Facebook - Grey Circle
  • Pinterest - Grey Circle
Flokkar
Kakan mín á veraldarvefnum