Kaffiboð á 17. júní?

Hér koma tvær dásamlegar mjólkur- og eggjalausar uppskriftir til viðbótar. Ég bauð í kaffi um síðustu helgi og henti í hjónabandssæluna sem ég setti hér inn um daginn og bætti svo við eggja- og mjólkurlausu bananabrauði og amerískum pönnukökum.

Eggja- og mjólkurlaust bananabrauð

5 dl hveiti/spelt

1/2 tsk matarsódi

1/2 tsk lyftiduft

1/2 tsk salt

3 þroskaðir bananar

3/4 - 1 dl púðursykur

1/2 dl haframjólk (eða önnur mjólk)

1/2 - 1 dl saxaðar döðlur (má sleppa)

1/2 - dl sesamfræ eða önnur fræ (má sleppa)

  • Blandið þurrefnunum saman.

  • Stappið bananan.

  • Blandið mjólk og banana saman við þurrefnin. Ef deigið er of þurrt má bæta smá mjólk við.

  • Saxið döðlur og setjið þau saman við deigið ásamt fræjunum.

  • Setjið í form og bakið í ca 35-45 mín við 190°C.

Fyrir okkur sem erum á mjólkurlausu fæði þá mæli ég með að setja pestó á brauðið (til dæmis frá Sollu). Þið hin getið notið þess að setja gott lag af smjöri og jafnvel dass af osti ;)

Pönnukökur án mjólkur og eggja

2 bollar hveiti

2 msk sykur

5 tsk lyftiduft

Salt á hnífsoddi

2 bollar mjólk að eigin vali

4 msk matarolía

1 tsk vanilludropar

  • Blandið þurrefnunum saman og bætið síðan mjólkinni, olíunni og vanilludropunum saman við.

  • Hrærið þar til deigið er kekkjalaust.

  • Bakið pönnukökurnar á meðalheitri pönnu með smá olíu.

Pönnukökurnar eru alveg jafn góðar fyrir þá sem geta borðað allt :) Ég mæli með að bera þær fram heitar með ferskum berjum, sírópi og jafnvel nutella fyrir þá sem það mega :)

#mjólkurlaust #eggjalaust #bananabrauð

Nýlegar færslur
Leitarorð
No tags yet.
  • Facebook - Grey Circle
  • Pinterest - Grey Circle
Flokkar
Kakan mín á veraldarvefnum